Storia de "I Cumpari"

U quatettu folk s'ha fommatu 'nno 1996 'pp'iniziativa di 4 amaturi do' folklore siciliano.

Iniziaru tutti cosi quasi 'ppi 'gghiocu, in sequitu 'o fattu ca nu notu risturanti d'Austa(SR) ciccava na coriografia siciliana 'ppi allietari i clienti mentri manciaunu 'nta lu pranzu 'dà duminica siciliana.

Dopu 'u successu avutu nnè primi cumpassi, si pinsau di puttari avanti st'avvetura ié di vattiari u quattettu c'un nomu c'ava suttulineari l'affiatamentu di 4 amici e c'ava puttari 'ntà la menti, di cui lu'mmuntuava, 'a Sicilia.

Nni'ssu mumentu nasceru I Cumpari !!!

U quattettu si occupa principammenti di tradizioni popolari siciliani iè avi n'aspirazioni esclusiva: chidda di spaggiri e mantiniri 'nviulata 'nno tempu l'atti folklorica iè popolari da' Sicilia. Obiettivi principali iè chiddu di ripresentari esattamenti chiddu ca caratterizzau iè caratterizza 'a nostra Terra, ristannu attaccati 'e rarici, co' stissu patrimoniu musicali, i stissi canzuni, i stissi custùmi, i stissi strumenti ca' usavunu i nostri antenati.

I Cumpari, su 'npegnati 'nna ricecca iè elaborazioni dè canzuni, ommai passati 'a tradizioni, ca su lu patrimoniu dà nostra memoria, sunannuli senza canciari nenti, propriu picchì cari 'a nostra genti. Quannu I Cumpari sonunu ceccunu di riputtari i tempi passati, cuinvuggennu li cristiani c'ascutunu sia fisicamenti 'ntò ballu cu li trarantelli e li controdanzi , sia ccò cori riputtannu 'a menti cari  ricuoddi, l'ambienti iè l'atmosfera di 'na vota, 'n pocu comu facevunu i nostri antenati quannu, 'ppì esempiu, 'a fini di 'nna iunnata di travagghiu nnè vigni, nnè mineri, a 'mmari, s'arriunivunu ppi'mangiari iè facevunu festa cchè canzuni e i balli ca oggi si chiamunu tradizionali.

'Nni sta memoria de' tempi passati I Cumpari curunu e riportunu i classici sirinati ca u 'nnamuratu jammava sutta lu barcuni di la 'nnamurata u jonnu prima dò matrimoniu, ca oggi addumannunu cu tantu fervuri.

Co' passari di l'anni, facennusi cchiù granni e assai sapienti, I Cumpari sinteru l'esiggenza 'e lu ddoveri di passari a li picciutteddi 'a nostra tradizioni musicali siciliana 'e 'ppi cchissu 'ndò 2005 nasciu 'u gruppu folkloristicu Palmarum Insula (comu vineva chiamata 'na vota Austa).

Si vestunu 'ccu l'abbiti tradiziunali tipici de' jurnati di festa Austanisi, principammenti 'a vistina 'da fimmina havi longhi gonne janchi 'né quali s'abbiunu 'nmantali tuttu culuratu 'e supra si mettunu cammisi chiari 'e corpetti di diversu culuri ca portunu alla menti li nostri agrumi (giallu, russu, aranciu, virdi) ca si mittevunu li nostri vecchi fimmini 'ne frischi jurnati 'da 'stati.

'U gruppu iè furmatu di circa 20 elementi tutti d' Austa e tutti cu l'età compresa tra i 16 e i 30 anni ('u gruppu folkloristicu cchiù picciriddu 'da provincia 'i Sirausa).

Fici 'nsaccu di spittaculi 'e havi nutevoli successu'ntò pubblicu sia 'ppi la professionalità sia 'ppi la simpatia 'e l'alligrizza 'ca passunu facennu accussì crisciri 'a vuluntà di travagghiari e facennu assai contenti "I Cumpari".